Sankat Mochan Naam Tiharo Lyrics

Sankat Mochan Naam Tiharo Lyrics

🎧 Song Credits

Hanuman Bhajan: Sankat Mochan Hanuman Ashtak
Singer: HARIHARAN
Album: Shree Hanuman Chalisa
Music Director: Lalit Sen, Chander
Sankat Mochan Naam Tiharo Lyrics

🎧 Lyrics

Sankat Mochan Naam Tiharo Lyrics

बाल समय रवि भक्षि लियो तब
तीनहुँ लोक भयो अँधियारो
ताहि सों त्रास भयो जग को
यह संकट काहु सों जात ना टारो
देवन आनि करी बिनती तब
छाँड़ि दियो रवि कष्ट निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बालि की त्रास कपीस बसै गिरी
जात महाप्रभु पंथ निहारो
चौंकि महामुनि श्राप दियो तब
चाहिये कौन विचार विचारो
कै द्विज रूप लिवाय महाप्रभु
सो तुम दास के सोक निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

अंगद के संग लेन गये सिय
खोज कपीस यह बैन उचारो
जीवत ना बचिहौ हम सो जु
बिना सुधि लाए इहा पगु धारो
हेरि थके तट सिंधु सबै तब
लाय सिया सुधि प्राण उबारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

रावन त्रास दई सिय को सब
राक्षसि सों कहि सोक निवारो
ताहीं समय हनुमान महाप्रभु
जाय महा रजनीचर मारो
चाहत सीय असोक सों आगि सु
दै प्रभु मुद्रिका सोक निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बान लग्यो उर लछिमन के तब
प्राण तजे सुत रावन मारो
लै गृह बैद्य सुषेन समेत
तबै गिरि द्रोन सु वीर उपारो
आनि सजीवन हाथ दई तब
लछिमन के तुम प्राण उबारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

रावन युद्ध अजान कियो तब
नाग कि फाँस सबै सिर डारो
श्री रघुनाथ समेत सबै दल
मोह भयो यह संकट भारो
आनि खगेस तबै हनुमान जु
बंधन काटि सुत्रास निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बंधु समेत जबै अहिरावन
लै रघुनाथ पाताल सिधारो
देविहिं पूजि भली विधि सों बलि
देउ सबै मिलि मंत्र बिचारो
जाय सहाय भयो तब ही
अहिरावन सैन्य समेत संहारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

काज कियो बड़ देवन के तुम
वीर महाप्रभु देखि बिचारो
कौन सो संकट मोर गरीब को
जो तुमसों नहिं जात है टारो
बेगि हरो हनुमान महाप्रभु
जो कुछ संकट होय हमारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!
संकटमोचन नाम तिहारो !
संकटमोचन नाम तिहारो !!

Sankat Mochan Naam Tiharo Lyrics

Read More

Karpur Gauram Karunavtaram

Satguru Main Teri Patang